José Luis González: "O albergue de peregrinos e o centro cultural eran materias pendentes"

O perfil de José Luis González, novo alcalde de Piñor:

• IDADE: 56 anos
• DATA DE NACEMENTO: 24 de marzo de 1967
• LUGAR DE NACEMENTO: Piñor
• PROFESIÓN: Fabricante de cadaleitos
• AFICIÓN: O mundo do motor
• ESTADO CIVIL: Casado
• ANOS EN POLÍTICA: 20 e 8 como alcalde
• COMIDA: O cocido de miña nai

Satisfeito co respaldo dos seus veciños?

Si, porque aumentamos en dous concelleiros. Os veciños déronnos o apoio e agora queremos corresponder. Piñor necesita estes catro anos pasar seguir avanzando.

Este ano inaugura o primeiro albergue de peregrinos. Era unha materia pendente?

Era unha materia pendente, tanto o albergue como o centro cultural. Levamos traballando desde o principio por estes dous proxectos, que van a supor a visita de máis turistas, que descansen en Piñor e consuman en Piñor, nos restaurantes que temos e nos bares. Temos varias casas de turismo rural e de alquiler, que teñen moita demanda e por iso era necesario o albergue.

E como vai a creación do museo do cadaleito?

Esperamos que ao final de este ano esté listo, pendente da licitación por parte da Deputación provincial da segunda fase, cunha inversión de 70.000 euros.

Pensa que atraerá visitantes?

Si, porque non hai ningún museo do ataúde e a xente sente curiosidade pola morte. É lóxico que se faga no concello onde máis ataúdes se fabrican de toda España. É algo que nos identifica.

Goza de boa saúde o sector?

Aquí funcionan nove fábricas e na actualidade vai ben, gracias a que as importacións de China reducíronse moito. Empezaron a baixar co encarecemento do transporte e agora as grandes distribuidoras compran algo, pero a maioría das funerarias compran aquí despois das dificultades no suministro durante a pandemia, cando deixaron de vir o ataúdes de China.

Cales son os obxectivos para esta nova etapa?

Un dos principais é unha residencia para maiores con 40 prazas. Temos unha subvención da Depuración de 80.000 euros para a redacción e dirección do proxecto. O que pretendemos é que os veciños queden aquí. Ademais, queremos facer vivendas para aumentar poboación e aprobar o PXOM.