O Parque Etnográfico acolle o curso de limpeza industrial

A Xunta de Galicia, a través do Equipo Comarcal de Inclusión Sociolaboral do Carballiño, desenvolve un curso de limpeza industrial cunha duración de 60 horas, das que 10 son prácticas. Estas prácticas levaranse a cabo nas Pallozas do Arenteiro e no Parque Etnográfico do Carballiño gracias a aportación que o Concello fai destas dependencias e instalacións municipais coa súa cesión para la realización desta iniciativa de formación.

Esta formación desenvólvese no marco da Estratexia de Inclusión Social de Galicia destinada a persoas en situación ou risco de exclusión social atendidas polos Equipos Comarcais de Inclusión Sociolaboral do Consorcio Galego de Servizos de Igualdade e Benestar, cofinanciado nun 80% polo Fondo Social Europeo no marco do Programa Operativo FSE Galicia 2014-2020.

O curso de limpeza industrial realízase para un máximo de 10 persoas coa finalidade de garantir en todo momento as medidas de prevención e recomendacións fronte o risco de transmisión de covid-19. Así o alumnado disporá de máscaras e xel hidroalcohólico e na aula se manterá a distancia de seguridade entre as persoas e a máxima ventilación posible.