Un proxecto cifrado en 71.000 euros mellorará o alumeado no polígono industrial

O grupo municipal do Partido Popular no Carballiño comunicou que no Diario Oficial de Galicia de onte publicouse unha resolución do 23 de setembro da Consellería de Economía e Facenda para a mellora da iluminación pública do polígono industrial de A Uceira.

O voceiro desta formación política na Corporación, Argimiro Marnotes, explicou que iste proxecto enmárcase nas actuacións da Xunta para infraestructuras en áreas industriais, e concédese unha axuda de máis de 71.000 euros que vai facer posible unha demanda máis dos empresarios carballiñeses.

O voceiro dos populares manifesta que dende o noso grupo municipal insístimos na boa disposición da Xunta coas solicitudes que se presentan dende o Carballiño, sendo esta unha nova mostra. Argimiro Marnotes engadiu que aproveitamos esta ocasión para lembrarlle ó equipo de goberno do Concello que se deben de recuperar as conversas que o PP tiña comezado cos promotores e constructores do noso pobo ó inicio deste mandato. O obxectivo é darlle un impulso definitivo a este sector con vistas á promoción conxunta do municipio e das súas vivendas, unha iniciativa da que dende o Concello se fixo caso omiso, e que por parte dos empresarios do sector estaba a ser ben recollida, conclúe Marnotes.

Contenido patrocinado