A Casa dos Poetas de Celanova acolle a obra de Eduardo R. Osorio

A celanovesa Casa dos Poetas da Fundación Curros Enríquez celebra a exposición de escultura “Hombre de Caminos”, na que se exhibirán 25 pezas en diferentes formatos, bronce, pedra e madeira, obra do lugués Eduardo R. Osorio, finado en 1995. A inauguración desta mostra terá lugar este vindeiro venres, 17 de xaneiro, ás 19,00 horas, e permanecerá aberta ata o 17 de marzo.

Tódalas obras expostas pertencen á época creativa do escultor galego, caracterizada por un traballo constante e de perfeccionamento dentro do seu sentimento pola arte. A súa obra reflicte un mundo evocador no que Osorio honra á súa terra nai, Galicia, aunando no seu espírito escultórico a morriña dun eterno desexo de retorno voluntario á súa terra.

Mostra fotográfica

Osorio foi tamén un gran mestre do retrato, con máis de cen cabezas modeladas, polo que a mostra complétase cun apartado de fotografía documental do escultor modelando retratos de ilustres personaxes da cultura galega, como o busto do celanovés Celso Emilio Ferreiro, de Lauro Olmo, Dionisio Gamallo ou Daniel Cortezón.