Catorce agrupacións e moita festa con Celavella no Mosteiro de San Salvador de Celanova

A música de raíz conquistou esta fin de semana o antigo refectorio do Mosteiro de San Salvador de Celanova. As integrantes de Pandereteiras Celavella foron as anfitrioas e organizadoras dunha foliada que contou coa participación das agrupacións chegadas dende diferentes recunchos da comarca das Terras de Celanova e mesmo doutros concellos da provincia de Ourense, que deron mostra da súa arte tradicional ante o público que se deu cita no salón de actos.

A foliada arrancou ás oito da tarde, sucedéndose as actuacións das 14 agrupacións participantes desta quita edición, que contou coa colaboración do Concello e o centro sociocomunitario de Celanova. Non faltaron no acontecemento, que se prolongou máis aló da media noite nunha exaltación interxeracional, os convites gastronómicos e os sorteos entre os asistentes.