O cinema en galego centra a programación de novembro na Casa dos Poetas de Celanova

A Casa dos Poetas inaugurou este pasado fin de semana o Ciclo Mestre Mateo que centrará a programación de la axenda cultural de novembro en Celanova. As proxeccións cinematográficas en galego, que alternarán documentais con longametraxes e curtas para diferentes públicos e idades trasladáronse onte á Sala dos Arcos.

O céntrico espazo municipal con acceso dende a Praza Maior acollerá ás 19,30 horas as proxeccións de “Fatum” hoxe martes, “Matria” (mañá 6 de novembro), “Salta” (día 11), “A viaxe de Lucy” (12), “Chichi e mais eu” (13), “Os Espazos en branco” (18) e “Emoción vida e teatro” (19). O sábado día 9 a sesión, que incluirá a proxeccións de curtas de animación, será ás 12,30 horas na Casa dos Poetas.

En clave formativa, nas instalación da aula Cemit de Celanova desenvolveranse os cursos e obradoiros “Competencias dixitais básicas para menores”, “Configuración de dispositivos e uso de aplicacións móbiles (II)” ou o de “Follas de cálculo con Libre Office Calc” que arrinca hoxe.

A programación deste mes continuará, o día 23, co acto do primeiro aniversario de “Onde o mundo é Celanova” ás 20,00 horas no Auditorio Ilduara e o sábado 30 de novembro, terá lugar a II Gala de premios culturais e deportivos Mouchiño, ás 17,00 horas no Auditorio Municipal Ilduara de Celanova organizado pola Asociación Cultural e Deportiva Basket x Libros.