O escultor Xosé Cid, premio "Celanova, Casa dos Poetas"

O escultor Xosé Cid recibiu este domingo o XXXVI premio "Celanova, Casa dos Poetas", outorgado pola Fundación Curros Enríquez. O acto comezou cunha ofrenda floral a Celso Emilio con motivo do seu 41 cabodano e coa lectura dun fragmento do poema "A herdanza" por parte do fillo do escritor celanovés, Xabier Ferreiro.

Tralo homenaxe, tivo lugar a entrega da medalla de prata coas cinco "C": Casa, Curros, Celanova, Celso e Castor. Coa entrega desta distinción, Xosé Cid pasa a ser patrón de honra da Fundación Curros Enríquez.

Este galardón recoñece a traxectoria de Xosé Cid como intérprete dos feitos da Galicia máis tradicional e auténtica a través da súa obra de esculturas.