O Parlamento de Galicia adicará a sala de prensa a Manuel Curros Enríquez, natural de Celanova

O Parlamento de Galicia adicará a Sala de Prensa da Cámara galega ao escritor celanovés Manuel Curros Enríquez. Tal e como adiantara na súa intervención na entrega do premio Celanova, Casa dos Poetas o pasado 1 de setembro, o presidente do Parlamento Miguel Ángel Santalices presentou a proposta que acadou o respaldo da Mesa e da Xunta de Portavoces.

Figura destacada no Rexurdimento galego, xunto con Rosalía de Castro e Eduardo Pondal, a súa traxectoria como xornalista e cronista parlamentario ampara a decisión de incorporalo á lista de galegos destacados que nomean as distintas salas de traballo do Pazo do Hórreo como Otero Pedrayo, Castelao, Emilia Pardo Bazán ou Concepción Arenal, entre outras.