35 viños de 18 adegas da DO Monterrei, á conquista do mercado alemán

A Denominación de Orixe (DO) Monterrei estará presente por sexto ano consecutivo na feira vitivinícola ProWein, que terá lugar entre os días 16 e 18 deste mes na cidade alemá de Düsseldorf.

Nesta edición participarán un total de 35 viños (20 brancos e 15 tintos) pertencentes a 18 adegas inscritas na denominación.

ProWein rexistrou o ano pasado máis de 47.000 visitantes profesionais rexistrados de 135 países e 5.400 expositores. A DO participará neste evento da man da Axencia Galega da Calidade Alimentaria (AGACAL), e xunto co resto de denominacións vitivinícolas galegas.

Co formato de Túnel do Viño presentaranse os tintos e brancos participantes, o territorio vitivinícola de Monterrei, as súas características edafoclimáticas ou a tipoloxía de uvas ou viños, entre outras cuestións.

Feira clave

Para o presidente do Consello Regulador da DO, Manuel Vázquez Losada, ProWein é “una cita clave en el calendario ferial de la denominación, ya que congrega al sector de la distribución, importación-exportación, Horeca o retail”.

Destaca que “nuestra participación no solo refuerza la imagen de marca, sino también nuestro compromiso con Alemania, uno de los principales mercados internacionales para Monterrei”

Adegas presentes

As adegas asistentes a ProWein serán: Trasdovento, Minius, Pazo das Tapias, Ladairo, Pazo de Valdeconde, Tabú, Alba Al-Bar, Vía Arxéntea, Crego e Monaguillo, Fragas do Lecer, Franco Basalo, Gargalo, José Antonio Da Silva Pereira (Vinos Lara), Manuel Regueiro García (Serra de Alén), Pazo Blanco Núñez (Tapias Mariñán), Quinta do Buble, Terras do Cigarrón e Triay Adegas de Oímbra.