A DO Monterrei presentará 30 dos seus viños na feira Fenavin de Ciudad Real

EVENTO DE REFERENCIA

30 viños de 16 adegas da DO Monterrei estarán presentes na feira vitivinícola Fenavin, en Ciudad Real, unha cita de referencia para o viño español

A DO Monterrei participará nunha das feiras de referencia do viño español. | DO Monterrei

A Denominación de Orixe Monterrei (DO) estará do 6 ao 8 de maio a Fenavin (Feria Nacional del Vino), en Ciudad Real, onde dará a coñecer 30 viños de 16 das adegas inscritas cun formato de Túnel do Viño.

O Consello Regulador da DO acudirá baixo o amparo da Axencia Galega da Calidade Alimentaria (Agacal). No espazo da DO Monterrei ofrecerase información sobre a tradición vitivinícola da zona, elaboracións, aspectos edafoclimáticos ou variedades de uva.

Fenavin reúne unha gran representación da hostalería, restauración e axentes compradores. Na edición anterior participaron 1.921 adegas, acolleu 519.807 contactos comerciais e unha estimación de negocio de 106 millóns.

“La presencia en esta feria busca promover un mayor conocimiento de la DO Monterrei entre el sector profesional e incidir en la búsqueda de nuevos canales de distribución y comercialización, además de reforzar nuestra imagen de marca”, indicou o presidente do Consello Regulador, Manuel Vázquez Losada.

Contenido patrocinado