A cuarta edición das "Xornadas de Música Tradicional Nova Era" levou os cantos de taberna de volta a Verín

A actual edición das "Xornadas de Música Tradicional Nova Era", por cuarto ano celebrada, organizada pola Asociación de Música Tradicional de Monterreie a Banda de Gaitas Nova Era, volveu encher os bares da vila de Verín coa música tradicional e o son das pandeiretas.

Así, o pasado venres a partir das 20:00 horas foron xuntándose na praza García Barbón os integrantes de Nova Era, acompañados polas agrupacións de música popular Candaira, Silveiras do Támega e Cantarela do Riós.

Como colofón do segundo día, e tras levar o son tradicional polos bares e establecementos colaboradores do casco vello de Verín, preto da medianoite tivo lugar unha foliada popular na Alameda verinesa, con gran éxito de público e participantes que se animaron ir tocar todos xuntos.

Xogos populares

Pero non todo foi música. Ao longo destes dous días, e os integrantes da banda tamén tiveron tempo o xoves de organizar xogos populares para a cativada e para os usuarios do centro de día Solleira e do Fogar de Santa María.

Os membros de Nova Era fixeron as delicias dos máis pequenos, mentres que as persoas maiores desfrutaron á tarde da música da banda. Algúns deles mesmo sacaron a relucir as súas dotes musicais e animáronse tamén a tocar.