A lonxevidade e o envellecemento protagonizan unha charla en Verín

A charla da Cruz Vermella tratará sobre envellecemento saudable e lonxevidade, e terá lugar na Casa da Cultura verinesa ás 19,00 horas.

De balde e con entrada libre ata completar aforo, estará impartida por José María Faílde, presidente da Sociedade Galega de Xerontoloxía e Xeriatría, que coorganiza a charla co apoio do Concello.

Na charla abordaranse cuestións relevantes para un colectivo de atención prioritaria como son os maiores, que cada vez supoñen unha porcentaxe máis elevada da sociedade, tanto na comarca como na provincia.

O envellecemento saudable é o proceso de fomentar e manter a capacidade funcional que permite o benestar en idades avanzadas. Por outra banda, a capacidade funcional consiste en ter os atributos que permiten a tódalas persoas ser e facer o que para elas é importante.