Agenda | A obra "Morgana en Esmelle" chega a Verín: cando e onde

O Auditorio de Verín acollerá o vindeiro sábado, 27 de novembro, ás 20,00 horas, a representación teatral da obra “Morgana en Esmelle” de Sarabela Teatro. Esta produción é unha adaptación da novela de Begoña Caamaño, xornalista e escritora natural de Vigo que falecía en Santiago de Compostela no ano 2014.

Baixo a dirección de Ángeles Cuña, a obra conta cun reparto actoral de primeiro nivel. Fina Quella, Sabela Gago, Quico Cadaval, Elena Seijo, Nate Borrajo, Fernando Dacosta e Laura Míguez, entre outros, viaxarán a Verín para facer que o público se adentre na historia.

Sinopse

A obra de teatro fala sobre a vida de Morgana. A súa chegada a Esmelle altera a aparente serenidade coa que Merlín vive no bosque deste lugar. A amante de Artur entra na casa Miranda en busca de respostas á súa infelicidade.

En “Morgana en Esmelle”, Begoña Caamaño reflexiona ao redor da responsabilidade de asumir as consecuencias non desexadas de cada un dos nosos actos. Ademais, fala sobre a necesidade de adoptar compromisos incómodos. Unha novela que reescribe o mito cunha mirada contemporánea.

As entradas para asistir a esta representación da compañía Sarabela Teatro xa están dispoñibles en www.ataquilla.com, por un prezo de 10 euros.