Regresa a Laza o festival musical “Carqueixa Rock”

O festival “Carqueixa Rock&Folk” chega este ano á súa novena edición, e como anticipo da programación, os organizadores anunciaron a actuación da banda de gaitas “Nova Era”, que ofrecerán o seu repertorio de música tradicional.

Á agrupación verinesa cómpre engadir o nome da histórica banda de folk “Gwendal”, orixinarios da Bretaña francesa.

Este festival gratuíto naceu no 2012 para reivindicar a cultura máis alá das grandes cidades, e co obxectivo de ofrecer un espazo cheo de boa música, cultura, país e gastronomía.

Unha vez máis, ademais de concertos no “Carqueixa” tamén haberá zona de acampada, actividades infantís e cea popular.