As aldeas máis bonitas de Ourense, segundo os lectores de La Región

A provincia de Ourense conta cun dos lugares máis bonitos de España: Castro Caldelas. Por terceiro ano consecutivo, a localidade forma parte da lista elaborada pola asociación "Los pueblos más bonitos de España", que destaca aqueles sitios únicos e "agochados" ao longo da xeografía española.

Con motivo deste recoñecemento, dende La Región preguntámoslle aos nosos lectores, a través de Instagram, cal é para eles a aldea ou vila máis bonita de Ourense e estas son as respostas.

Aldeas e vilas máis bonitas de Ourense

Allariz

Río Arnoia, ao paso por Allariz.

Unha das vilas ourensás preferidas polos lectores de La Región é Allariz. O encanto e tranquilidade que ofrece, así como a beleza do seu casco histórico, o río Arnoia e a súa ponte románica son algúns dos motivos que atraen a ourensáns e foráneaos aos encantos da vila alaricana.

Santa Mariña de Augas Santas

Tamén no municipio de Allariz, a aldea de Santa Mariña de Augas Santas é un dos lugares elixidos polos ourensáns.

As Ermidas

A aldea das Ermidas, na localidade de O Bolo, é outro dos lugares destacados polos nosos lectores. O santuario barroco das Ermidas, declarado BIC (Ben de Interés Cultural) e as lendas que rodean este lugar, fan desta aldea un lugar de visita obrigada na comarca de Valdeorras.

Padrenda

Na comarca de Celanova e lindando con Pontevedra atópase Padrenda, outro dos lugares elixidos polos lectores. O seu banco turístico, as vistas a Ourense, Pontevedra e Portugal e a oferta de actividades deportivas que oferta -rafting, senderismo, puenting, son algúns dos encantos de Padrenda.

Parada de Sil

En pleno corazón da Ribeira Sacra, Parada de Sil é un dos sitios recomendados por moitos dos nosos lectores. As espectaculares paisaxes, os seus miradoiros, o Cañón do Sil ou o mosteiro de Santa Cristina son algúns dos atractivos deste lugar.

Arnoia

Para outros dos nosos lectores, un dos lugares con máis encanto é A Arnoia, na comarca do Ribeiro.

Muíños

Entre as recomendacións dos lectores atópase Muíños. No corazón do Xurés, a súa riqueza natural e paisaxística fan deste entorno un lugar especial da provincia.

Belecón, Avión

Outra das propostas como un dos lugares máis bonitos da provinica é Belecón, unha aldea de Avión, na comarca do Ribeiro.

Viana

A vila de Viana do Bolo e a aldea de Santa Mariña da Ponte son dúas das propostas dos lectores.

Celanova

Para outros ourensáns, a "vila dos poetas" é o lugar máis fermoso da provincia. O mosteiro de San Salvador e a pegada de autores como Curros Enríquez e Celso Emilio Ferreiro fan de Celanova un lugar que merece a pena visitar.

Vilaza

Outra das aldeas propostas polos lectores a través de Instagram foi Vilaza, unha parroquia pertencente ao concello de Verín.

Ribadavia

A capital do Ribeiro é outro dos lugares destacados polos lectores de La Región.

Xunqueira de Espadanedo

Xunqueira de Espadanedo foi outra das lugares

A Veiga

Tanto A Veiga como a parroquia de Prada foron dúas das propostas dos nosos lectores como un dos lugares máis bonitos da provincia.

Lobios

A localidade pertencente ao parque natural Baixa Limia-Serra do Xurés foi outro dos lugares elixidos.

Completan a lista:

Boborás

Tamallancos, Vilamarín

As vendas da Barreira, Riós

Congostro, Rairiz de Veiga

Toén

Taboadela

Amoeiro

San Cristovo de Cea

Cacidrón, Castro Caldelas

Montederramo

Cinconogueiras, A Peroxa

Xacebáns

Cortiñas

Maceda

Loureiro

Cenlle

Os Peares

Barbadás

Niñodaguia

Seoane