Nogueira de Ramuín baila coa sesión de zumba

Este xoves pola tarde, as Piscinas Municipais de Luínta, do Concello de Nogueira de Ramuín, albergaron unha nova clase de exercicio ao aire libre, enmarcada na iniciativa que o equipo de +Deporte La Región está levando por toda a provincia nestos meses de verán.

Alí presentáronse puntuais, a hora da sesión, ás 20,00 horas, numerosos veciños e veciñas de Nogueira de Ramuín, de tódalas idades, así como algúns retornados que están de vacacións polo concello.

O evento coincidiu co paso á tarde polo concello, da etapa de Ourense de “La Vuelta” a España, a competición nacional ciclista do país.

Aos participantes lles tocou esta vez bailar ao ritmo que marcou a monitora, Nerea Rodríguez, que leva practicando zumba dende hai tres anos. Nerea define o zumba como unha actividade para “todos os públicos”. “Dende o meu punto de vista é unha paixón para despexarte do que tes fóra e pasalo ben facendo deporte ao aire libre”.

Nerea combina todo tipo de música: “Dende o reggaeton, de merengue, de salsa, de bachata, de cumbia”. Esta actividade non entende de xénero nin de idade. As persoas maiores poden practicar zumba ao carón dos seus netos, combinando a técnica do exercicio e o baile ao ritmo da música máis actual. “A moita xente dálle vergoña porque vese descoordinada, pero unha vez que entras, comezas a pasalo ben e esquéceste de todo”, explica a monitora.

Nogueira de Ramuín demostrou unha vez máis unha excelente acollida a este tipo de eventos, converténdose nun punto clave para a promoción da saúde e a actividad física.

Estas sesións son o encontro perfecto para a socialización.