Nogueira recibe unha axuda do IDAE para aforro enerxético

O Instituto para la Diversificación y Ahorro de la Energía (IDAE) vén de conceder ao Concello de Nogueira de Ramuín unha axuda de 105.879,84 euros para un proxecto de aforro e eficiencia enerxética nas zonas de Faramontaos, Pacio, San Miguel, Gundiás, Saa, Laña do Monte, Santo Estevo 2 e Luíntra, tal e como fixo público este organismo a pasada semana.

Ademais, o Concello sacou esta semana pasada a licitación xa o contrato para a licitación das obras, cuxo orzamento inicial ascende a 132.300 euros, polo que o Idade subvencionará gran parte dos custes. Con este proxecto espérase aforrar un total de 4.138 euros ao ano.