Piñor será  a “capital” de Carmen Martín Gaite

Trátase dun proxecto transversal que afecta á cultura, ao patrimonio material e ao urbanismo, que ten un orzamento de máis de 1,3 millóns e que xa espertou o interese do Ministerio de Cultura”, desvelou onte o alcalde de Barbadás, Xosé Carlos Valcárcel, xunto coa tenente alcalde, Victoria Morenza, e o escritor David González Couso, estudoso de Martín Gaite, na presentación no Pazo de Lemos do “Plan Director da Roteiro Carmen Martín Gaite en Piñor”.

O obxectivo é converter Piñor na “capital” desta escritora universal, gañadora do premio Príncipe de Asturias das letras e unha das plumas más recoñecidas en lingua española e, ao tempo, máis descoñecida en Ourense pese aos seus estreitos vínculos con Piñor -onde veraneaba de nena-, un lugar que ocupa un lugar central na súa vida e literatura.