O PSOE de Ourense demanda recuperar a Concellería de Xuventude

O PSOE reclamoulle onte ao alcalde de Ourense que recupere a Concellería de Xuventude e deixe de facer “malabarismos” cos cartos públicos para poder “subir aos palcos das festas”. Os socialistas reclaman máis transparencia e un investimento para o futuro de Ourense no que a mocidade reciba máis que “promesas baleiras” e un xeito de proceder que prima intereses particulares e “alleos” ao seu desenvolvemento.

“Necesitamos un investimento real en programación cultural e actividades, que fomenten o crecemento persoal e social da xuventude, en lugar de malabarismos cos cartos de todos e todas que só perpetúan o ciclo de abandono”, afirmou Alba Iglesias.