'Ribeiras do Miño' critica o apoio da Xunta a unha canteira

Os ecoloxistas refírense ás respostas dos responsables autonómicos ás preguntas dalgúns parlamentarios no senso de que aínda á espera dos informes definitivos, en principio se defende este proxecto considerando que é compatible con outras actividades como a producción vitivinícola neste municipio. A entidade non está dacordo e recorda que 'o Consello Regulador da Denominación de Orixe Ribeiro se posicionou públicamente en contra desta explotación mineira'.

No que concierne a utilización de maquinaria innovadora para a explotación, á que se refirían os responsables autonómicos, 'Ribeiras do Miño' matiza que 'no proxecto técnico se fala expresamente da utilización do 'sistema clásico de explotación' e o uso da 'maquinaria habitualmente empregada neste tipo de explotacións', contendo ademáis un apartado específico referente ó emprego de explosivos como pólvora, cordón detonante e goma 2'.

Os ecoloxistas, en consecuencia, rexeitan a declaración de supramunicipalidade, 'que se pode interpretar como a creación dunha ferramenta administrativa a medida dun proxecto de explotación mineira, que xa foi rexeitado con anterioridade por estar emplazado no espazo natural protexido das Ribeiras do Miño', puntualizando que non creará 30 postos de traballo senón un maximo de 12.