Traballadores dos buses urbanos de Ourense: “A situación é insoportable”

O comité de empresa de Urbanos de Ourense, conformado por CIG, CCOO e UGT, pide de xeito unánime unha solución “urxente” nos servizo de autobuses para rematar co “descontrol diario” de horarios e retrasos. O delegado da CIG, Anselmo Iglesias, indica que é preciso reorganizar o servizo, ante un estrés laboral “insoportable”.

Os tempos dos traxectos seguen sendo os mesmos que hai 30 anos, “e neste tempo baixouse a velocidade a 30 km/h e agora acábase de instalar radares, o cal agrava moito a situación”.