Vinte fotos reivindican o mosteiro de Abeleda

Os veciños de San Paio de Abeleda (Castro Caldelas) son os protagonistas dunha vintena de fotografías, algunhas realizadas nos últimos meses e outras de hai 40 anos, ante elementos do mosteiro románico do mesmo nome. O propósito é unha actuación de divulgación da arte románica emprendida pola asociación galega 'O Sorriso de Daniel' e polos dous colectivos culturais da zona que intentan acabar con 40 anos de abandono da construción.

A directiva e voceiro da asociación 'O Sorriso de Daniel', Carme Varela, explicou que o mosteiro de San Paio é emblemático polo seu grande interese artístico 'pero tamén polo seu estado de abandono deplorable', polo que os 50 socios do colectivo tomaron a decisión de dalo a coñecer a través da memoria dos seus veciños.

As fotografías, cun tamaño dun metro por un metro, colgan dende hoxe de balcóns, varandas e muros situados no camiño que conduce dende o pobo de Santa Tegra ata o mosteiro.

Contenido patrocinado