O fulión soando en Manzaneda e na parroquia de San Martiño no Xoves de Compadres

O Xoves de Compadres en Manzaneda e na parroquia de San Martiño celebrase cunha gran festa que fixo soar o tradicional fulión durante toda a tarde e a noite, mantendo viva esta ancestral tradición.

Nesta xornada tamén se celebrou no CEIP de Manzaneda unha divertida fariñada, un dos actos máis esperados pola cativada. O alumnado e os mestres participaron con entusiasmo nesta divertida actividade que puxo o broche a un día repleto de tradicións.

Ademais, os veciños puideron asistir á colocación do Lardeiro, o símbolo emblemático do xoves de compadres, que se fixo na praza do Pendón, onde lucía pendurado no cruceiro desde primeira hora da mañá. Ao redor deste, foron colocados versos que, como cada ano, teñen como destinatarios a persoas da vila, rindo e celebrando as relacións locais.

Un Xoves de Compadres máis que confirma a forza da tradición en Manzaneda.