FESTIVAL INTERNACIONAL
Vilariño de Conso despide el XI ViBoMask
Galería | Chandrexa de Queixa celebrou o seu día grande de Entroido
Chandrexa de Queixa viviu este sábado unha xornada de Entroido intensa e chea de tradición, cun desfile no que participaron preto dunha decena de folións e varias comparsas. Entre elas destacou a formada polos usuarios e traballadoras da residencia da terceira idade, que se sumaron á festa con gran entusiasmo.
Un ano máis, a vila demostrou que no seu Entroido éreúnen a numerosos veciños que non se queren perder este defile, convertendo a cita en imprescindible no calendario festivo do concello, no que os bombos e aixadas resoan ata o outro lado do embalse.
O desfile arrancou preto das 12,00 horas, con folión de Chandrexa de Queixa abrindo a xornada, e prolongouse durante tres horas, percorrendo as rúas ao ritmo dos bombos, aixadas e gadañas. A xornada trascorreu baixo un ceo no que ata saíu o sol, animando aos máis maiores a disfrutar.
Entre os grupos participantes estiveron, ademáis do Folión de Chandrexa de Queixa, Os Labregos de Trives, Viticultores de Vilamartín, Folión de Petín, O Fiadeiro, Arrieiros de Petín, Irrios de Castro Caldelas, Folión A Veiga e A Caniceira de Trives, que fixeron vibrar a veciñanza coa súa forza e enerxía.
Durante o percorrido, os folións fixeron unha parada especial na residencia da terceira idade, levando a súa música e ledicia aos maiores do municipio. Alí ademáis repoñían forzas para continuar o percorrido.
A celebración continuou cun xantar popular no pavillón multiusos, onde participantes e asistentes compartiron mesa e boa compañía. Pero a festa non rematou aí, xa que a xornada pechouse cun animado baile amenizado polo Dúo Eclipse, que puxo o broche de ouro ao día de entroido na alta montaña ourense.
Contenido patrocinado
