Galería | O latexo ancestral do fulión espertou Cernado

As mázcaras preparadas para pedir o permiso na entrada do pobo.

A aldea de Cernado, no concello de Manzaneda, converteuse este sábado o epicentro da festa e da tradición entroideira co regreso da Foliada do folión Da Mourela pra Acá. O evento, que comezou nesta mesma aldea hai xa nove anos, segue medrando edición tras edición, percorrendo todas as aldeas e consolidándose como unha cita ineludible para os amantes do entroido máis auténtico.

A chuvia amenceu con ganas de ser tamén protagonista, pero nin a auga foi quen de deter a ilusión dos participantes. Pasadas as once da mañá, as mázcaras empezaban a agruparse no punto de inicio, preparadas para dar comezo á ronda do folión. Bombos, aixadas, sachos, gadañas e cornas resoaban na entrada da aldea, onde os integrantes do folión solicitaban o permiso para entrar. Seguindo a tradición, foino a través de versos cargados de retranca e referencias á actualidade do ano. Do outro lado, os veciños de Cernado, tamén en verso, contestaron e deron luz verde á entrada. As esquilas das mázcaras foron as primeiras en soar, seguidas do inconfundible ritmo telúrico do folión.

Co permiso concedido e a chuvia comezando a recuar, a foliada percorreu cada recuncho da aldea. Os ecos do Entroido resoaban con forza, mentres pequenos e maiores bailaban, tocaban e vivían con paixón unha tradición que segue a ser un legado interxeracional. Nenos vestidos de mázcaras compartían a festa cos seus pais e avós, asegurando que o relevo está garantido e que o folión seguirá soando durante moitos anos máis.

Despois de facer tremer as rúas co estrondo dos bombos, os asistentes reuníronse baixo unha gran carpa, onde a festa continuou con teatro popular. Un ano máis, os veciños da Mourela pra Acá fixeron rir a todo o público con obras cheas de sátira e humor, abordando temas de actualidade e dedicando piropos e pullas a veciños e coñecidos. Porque no Entroido, todo está permitido e ninguén se libra da retranca.

Cando a risa deu paso á fame, a carpa transformouse nun gran comedor, onde máis de 200 persoas gozaron dun xantar de confraternización. Pero a festa aínda tiña unha última sorpresa: a fariña, fiel compañeira do entroido, fixo acto de presenza e deixou a todos ben brancos, nunha estampa que xa é tradición.

Un ano máis, a Foliada da Mourela pra acá confirmou o seu lugar no calendario como unha das grandes citas do entroido do Macizo Central, que deixa claro que, aquí, o entroido non é só unha celebración, senón unha forma de vida.

O toro e a toureira. A figura do toro busca meterse co público arrinconándoo contra unha parede cos seus cornos, mentres a toureira intenta ter man del

1/15 O toro e a toureira. A figura do toro busca meterse co público arrinconándoo contra unha parede cos seus cornos, mentres a toureira intenta ter man del

Mázcaras, touro, bombos, cornas e resto do fulión da Mourela para acá esperan na entrada do pobo, reunidos, e piden ermiso en forma de verso, agardando a que os vecinos do pobo lle resposten tamén en verso, concedendolles comezar a tocar o fulión

2/15 Mázcaras, touro, bombos, cornas e resto do fulión da Mourela para acá esperan na entrada do pobo, reunidos, e piden ermiso en forma de verso, agardando a que os vecinos do pobo lle resposten tamén en verso, concedendolles comezar a tocar o fulión

3/15 Os vecinos de Cernado, esperando ao fulión da Mourela para acá para darlle o permiso e dar comenzó á foliada

Os puchos deben ir ben axustados na cabeza para que non se movan mentres as mázcaras danzan. Así se axudan entre eles amarrándoo ben si notan que se lle floxa durante a ronda

4/15 Os puchos deben ir ben axustados na cabeza para que non se movan mentres as mázcaras danzan. Así se axudan entre eles amarrándoo ben si notan que se lle floxa durante a ronda

5/15 As mázcaras locen coloridas e elegantes sendo as protagonistas do Entroido de Manzaneda

O fulión toca percorrendo cada unha das rúas da aldea, parando a reponer formas nalgunhas prazas, pero mentres as mázcaras non deixan de danzar ao ritmo de bombos, cornas, aixadas e gadañas

6/15 O fulión toca percorrendo cada unha das rúas da aldea, parando a reponer formas nalgunhas prazas, pero mentres as mázcaras non deixan de danzar ao ritmo de bombos, cornas, aixadas e gadañas

7/15 Unha das danzas.

8/15 Cornas, mázcaras, bombos e aixadas, se reúnen mostrando as caras de ledicia

9/15 A corna é un dos instrumentos fundamentais no fulión

Carlos Núñez non quixo perder o Entroido de Manzaneda e a foliada de Cernado e mesmo se animou a poñer un pucho interesándose por esta tradición

10/15 Carlos Núñez non quixo perder o Entroido de Manzaneda e a foliada de Cernado e mesmo se animou a poñer un pucho interesándose por esta tradición

11/15 Carlos Núñez

12/15 O relevo xeneracional está asegurado nesta Entroido do Macizo Central

13/15 As aixadas e gadañas repenican no medio do tremer dos bombos

14/15 No fulión os veciños fan a súa ronda tocando seguido seguidos polo público

As mázcaras, protagonistas do Entroido, xiran sobre si mesmas dun xeito elegante, cos brazos erguidos, pero esa enerxía non lles quita a felicidade do corpo, contaxiando aos asistentes

15/15 As mázcaras, protagonistas do Entroido, xiran sobre si mesmas dun xeito elegante, cos brazos erguidos, pero esa enerxía non lles quita a felicidade do corpo, contaxiando aos asistentes

Contenido patrocinado