Agenda | ¿Qué hacer en Ourense hoy, miércoles 20 de mayo?

Los planes de hoy en la provincia de Ourense, en la agenda de La Región.

Ribadavia inaugura unha mostra que recolle o patrimonio dos oficios

• Mércores 20 de maio
• Ribadavia
• Museo Etnolóxico
• Ás 18:00 horas
• Entrada libre

Inauguración da exposición “Oficios en extinción: Imaxes que contan, persoas con historias”, unha proposta cultural que rende homenaxe aos traballos tradicionais que forman parte da memoria colectiva de Galicia e que hoxe se atopan en risco de desaparición. A mostra, realizada polos alumnos do IES Chamoso Lamas dentro do programa educativo Proxecta Foto - Fotografía en Curso, reúne imaxes centradas en homes e mulleres que dedicaron a súa vida a oficios artesanais e labores transmitidos de xeración en xeración. A través da fotografía e do relato humano, a exposición busca poñer en valor tanto as técnicas e ferramentas destes traballos como o patrimonio inmaterial galego que representan.

Oímbra recibe o documental sobre Otero Pedrayo

• Mércores 20 de maio
• Oímbra / San Cibrao
• Ás 18:20 horas
• Entrada libre

Proxección do documental “Ramón Otero Pedrayo, dereito á paisaxe”, dirixido por María José Bravo Bosch e realizado coa colaboración das Bibliotecas Móbiles da Xunta de Galicia (Furgoteca). A obra aborda a conexión do escritor co territorio e a elaboración da considerada primeira guía de Galicia, afondando na súa visión da paisaxe e da natureza como elementos fundamentais da identidade galega.

A escultura de Gonzalo Eiriz, unha experiencia sensorial

• Mércores 20 de maio
• Ourense
• CC Marcos Valcárcel
• Ás 19:30 horas
• Entrada libre

Gonzalo Eiriz inaugura “De pupila a pupila”, unha exposición na que reinterpreta os relatos da modernidade tardía a través das fracturas do presente. A súa proposta escultórica introduce unha linguaxe persoal entendida como experiencia sensorial.

Inscricións para asistir á andaina veciñal de Señorín

• Domingo 7 de xuño
• O Carballiño / Señorín
• Ás 10:00 horas
• Con inscrición

A asociación veciñal de Señorín impulsa a súa primeira andaina popular, cun percorrido de 10 quilómetros pensado para fomentar a convivencia e facer comunidade. O prazo de inscrición permanecerá aberto ata o 31 de maio na oficina de Avatel da rúa Norte.

Escolares da provincia corren polas rúas da cidade para defender o galego

• Mércores 20 de maio
• Ourense
• Rúas do centro
• Toda a mañá

Ourense acolle a Festa Correlingua coa participación de dezasete centros educativos de Ourense, Maceda, O Carballiño, Vilamartín de Valdeorras e Nogueira de Ramuín. O alumnado gozará dunha xornada con actividades lúdicas, animación e música da man da Mekánica Rolling Band. Haberá programación tanto na Praza Maior como no Auditorio Municipal.

Unha primavera musical de cine

• Mércores 20 de maio
• Ourense
• Cineclube Padre Feijóo
• Ás 20:30 horas
• Entrada libre

Proxección do documental “Banda sonora para un golpe de estado”, unha obra na que o jazz e os procesos de descolonización se mesturan nun intenso percorrido histórico ambientado na Guerra Fría.

Música na rúa para celebrar as Letras Galegas en Verín

• Mércores 20 de maio
• Verín
• Praza da Alameda
• Ás 20:00 horas

O alumnado do Conservatorio participa na programación das Letras Galegas cun concerto de percusión ao aire libre dentro do ciclo “Música na rúa”.

O futuro da alimentación, a debate no Pint of Science

• Mércores 20 de maio
• Ourense
• Café & Pop Torgal
• Ás 18:00 horas

Última sesión do festival “Pint of Science”, centrada nesta ocasión na temática “Alimentando o futuro: do mar á tradición”. A actividade contará con charlas de investigadores e científicos especializados.

O Liceo acolle a presentación do libro “Habelas hainas”

• Mércores 20 de maio
• Ourense
• Liceo de Ourense
• Ás 20:00 horas

Presentación da obra “Habelas hainas”, de Paco Ascón, un percorrido polos amores de Herminio e Divina. O autor estará acompañado por Xabier Casares, Avelino Jácome, Armando González e Evelio Traba.