Amorodio Teatro presenta a obra “Cortello de amor”

A compañía Amorodio Teatro estreará o próximo 20 de abril a obra “Cortello de amor”, no Auditorio Manuel María do Carballiño, ás 19,00 horas, cunha entrada ao prezo de 5 euros. O concelleiro de Cultura, Diego Fernández, acompañado pola actriz Carmen Facorro e o actor Javier Castiñeira, presentaron esta montaxe que ten como trama as dificultades ás que se enfrentan os mozos para o acceso a unha vivenda e a proliferación dos pisos turísticos. Trátase dunha comedia dirixida por Marian Mayobre e que supón un gran reto para Amorodio Teatro, segundo Facorro.