Exposición | “Arqueoloxía en monodose”

Dentro do ciclo “Arqueoloxía en monodose”, o Museo Arqueolóxico de Ourense organiza unha nova sesión para descubrir novas propostas para coñecer o noso patrimonio. Nesta ocasión haberá unha charla sobre “Arqueoloxía experimental: os vasos cilíndricos de San Cibrao de Las”, e a presentación do documental “A madeira no espello da cerámica”. Na charla contarase coa presenza do artesán da madeira Tito Ledo Roca, a profesora de Prehistoria da USC Pepa Rey, a científica titular no Instituto de Ciencias do Patrimonio María Martín Seijo e a produtora Pilar Abades.

O documental “A madeira no espello da cerámica” xorde a partir do diálogo establecido entre a cerámica e a madeira a partir do estudo dos vasos cerámicos tipo San Cibrao de Las, singulares dentro da produción oleira da Idade do Ferro no Noroeste peninsular.

ONDE: CC MARCOS VALCÁRCEL

CANDO: ÁS 19,30 HORAS