Arranca, sen a víctima, un xuízo contra sete supostos captores

O xuízo contra sete supostos secuestradores arrancou hoxe sen a presenza da vítima, que sufriu supostamente unha retención ilícita en 2004 no municipio coruñés de Pontedeume e que non foi localizada para poder estar nesta vista.

A sección primeira da Audiencia Provincial da Coruña acolle entre hoxe e mañá o proceso contra sete homes para os que o fiscal pide entre nove e dez anos de prisión por uns feitos que ocorreron presuntamente hai once anos.

Os procesados reterían a un camerunés no barrio coruñés de Matogrande desde onde o trasladarían a Centroña (Pontedeume) para producirlle varias lesións e posteriormente trasladalo no maleteiro dun coche ata que sufriron un accidente na A-6, no municipio lucense de Baralla.

O xuízo suspendeuse o pasado mes de marzo porque a vítima non foi localizada e, desde entón, a administración de Xustiza tentou achala, pero non foi quen e, polo tanto, o xuízo comezou sen esta persoa.

José Ramón Sierra, que defende ao que o fiscal acusa de ser o suposto xefe da trama, asegurou aos medios de comunicación que esta ausencia provoca "gran indefensión" nos acusados, pois "non é posible interrogar" á peza fundamental do caso.

Os maxistrados terán que decidir ata qué punto afecta a ausencia desta persoa, pero en todo caso "verán unhas dilacións indebidas moi cualificadas", aínda que o seu defendido nega, en todo caso, que interviñese no presunto secuestro.