Detidas dúas persoas por senllos incendios forestais en O Carballiño (Ourense) e Coristanco (A Coruña)

O pasado 14 de maio foi imputada unha veciña de O Carballiño como presunta autora dun incendio forestal no lugar de Gouxina, que afectou a unha superficie de 4.300 metros cadrados, maioritariamente de monte raso.

Segundo explica a Consellería de Presidencia, o incendio produciuse pola realización de catro queimas de restos vexetais, sen ter en conta as medidas de seguridade preceptivas.

Por outra banda, foi imputada unha veciña de Coristanco como presunta autora dun incendio forestal acontecido no lugar de Pereiras, na parroquia de couso. Este lume afectou a unha superficie aproximada de 300 metros cadrados de monte arboredo, provocado pola realización dunha queima, na que non tomaron as medidas de seguridade preceptivas.

Na extinción de ambos os dous lumes, segundo resalta a citada consellería, foron necesarios os labores do Servizo de Extinción de Incendios de Galicia. A Policía Autonómica detivo 76 persoas no que vai de ano por delitos relacionados con incendios forestais na Comunidade galega.