O paro baixa en 29.600 persoas en Galicia

O paro baixou en 29.600 persoas en Galicia no terceiro trimestre en relación co segundo (-11,74%), de forma que o total se situou en 222.800 desempregados, segundo os datos da Enquisa de Poboación Activa (EPA) que publica este xoves o Instituto Nacional de Estadística (INE).

En relación co terceiro trimestre de 2014, o número de parados na Comunidade galega reduciuse en 35.400 persoas, un 13,72 por cento.

Mentres, a cifra de ocupados alcanza a 1.039.000 galegos, tras subir en 29.100 individuos no terceiro trimestre respecto ao segundo (+2,88%) e supoñer 21.700 máis dos que había un ano atrás (+2,13%).

No conxunto estatal, o paro baixou en 298.200 persoas no terceiro trimestre do ano respecto ao trimestre anterior, o que supón un descenso do 5,8%.