Rueda defenderá no debate da autonomía este primeiro ano de lexislatura

O presidente da Xunta levará mañá a cabo no debate un balance deste primeiro ano de lexislatura e avanzará medidas e iniciativas que se van levar a cabo ao longo do mandato, cumprindo así unha vez máis coa normativa e demostrando unha vez máis a estabilidade, o rigor e a solidez dun Goberno centrado en gobernar.

Como xa avanzou esta mañá, Alfonso Rueda abordará cuestión da transferencia de competencias, como a xestión do litoral adquirida recentemente. O xefe do Executivo fará tamén un repaso polo traballo realizado neste último ano e avanzará as medidas que ten previsto levar a cabo a Xunta no futuro, entre os que se atopa a posta en marcha dunha rede de sendas que una toda a costa galega.

Explicará tamén o camiño futuro que pretende seguir o Goberno galego no desenvolvemento do autogoberno, coa reclamación de novas competencias.

Outras cuestións que se abordarán serán o emprego, as políticas industriais ou a vivenda.