Ruta do Viño das Rías Baixas. Actividades para descubrir unha tradición milenaria

Haberá varias liñas enoturísticas que percorrerán gran parte do territorio da Denominación de Orixe das Rías Baixas.

Música e viño polo río Miño

Concerto a bordo dun barco histórico polo río Miño con música en directo. Será o sábado 20 de maio, ás 12,30 e ás 18,00 horas e o domingo 21 de maio, ás 12,30 horas. Saída dende o embarcadoiro de Goián.

A pedais polo Salnés

Unha ruta de enoturismo en bicicleta polo Salnés. Coñece a súas adegas e visita lugares de interese durante o percorrido. Será o sábado 20 de maio, ás 9,30 horas saída dende Adegas Terra de Asorei.

Viño e lamprea

Visita guiada ás instalacións do Centro de Interpretación do Viño e da Lamprea “Arabo”. O venres 19 e o domingo 21 de maio, de 12,00 a 14,00 horas e o sábado 20 de maio, de 12,00 a 14,00 horas e de 16,00 a 19,00 horas.

Catamarán en Arousa

Unha ruta guiada en catamarán, con visión submarina, pola ría de Arousa e visita a mexilloeiras. Haberá degustación de viño Albariño, refrescos e mexillóns. Será o sábado 20 de maio, ás 12,00 e ás 17,00 horas.

Maridaxe

Visita ao pazo Quinteiro da Cruz, aos seus viñedos e ao xardín de Té combinada coa experiencia dunha maridaxe 100% galega. Venres 19 de maio, de 17,00 a 19,30 horas e sábado 20 e domingo 21 de maio, de 11,30 a 14,00 horas.

Ruta "Pedras e viño"

Un tramo de 3 quilómetros da ruta “Pedras e Viño”, visitando os vestixios do pasado desta zona, os Muíños do Xuliana e cunha visita á adega Señorío de Rubiós e unha degustación. Domingo 21 de maio, ás 10,00 horas.

Orixe do Albariño en Lantaño

A Adega Viña Cartín organiza unha visita ao lagar medieval e unha cata dos viños (se as condicións metereolóxicas non o permiten, farase unha presentación fotográfica). Sábado 20 de maio, de 12,00 a 13,30 horas.

Cata en Terra de Asorei

Terra de Asorei propón unha cata de elaboracións especiais e colleitas limitadas. Maridaxe con petiscos do país. A cata realizarase na “adega botelleiro”. Venres 19 de maio ás 19,00 horas e sábado 20 de maio, ás 12,00 horas.

Cata maridaxe

Bodegas Vionta organiza unha cata de viños Albariños comentada polo seu enólogo, maridados con 3 queixos e pans galegos. Venres 19 e domingo 21 de maio, de 10,00 a 14,00 horas e sábado 20 de maio, de 10,00 a 18,00 horas.

Ioga en Pazo de Rubianes

Visita guiada aos seus xardíns históricos seguida dunha hora de clase de ioga. A actividade finalizará cunha degustación do viño “Pazo de Rubianes” acompañado de petiscos. Venres 19 de maio, ás 17,00 horas.

Nande Hotel da Natureza

Unha visita guiada á contorna natural do establecemento Nande Hotel da Natureza. A cita será o venres 19, sábado 20 e domingo 21 de maio de 12,00 a 13,00 horas. O custo da participación: 7 euros por persoa.