As obras no castelo de Monterrei obrigan ao traslado da oficina de turismo

A oficina de turismo de Monterrei, situada á entrada da Acrópole, modificará temporalmente a súa ubicación, pasando ao edificio do Concello, na rúa Fontiñas de Albarellos, por mor das obras que se están a desenvolver no conxunto fortificado da Vila de Monterrei.

Nas dependencias municipais atenderase ao público de martes a venres, en horario de 10,30 a 14,30 horas. Polo momento as visitas guiadas quedan suspendidas debido á imposibilidade de acceder ao conxunto monumental.

Non obstante, as explicacións da Vila de Monterrei terán lugar os sábados ás 11,00 horas, baixo reserva previa, co punto de encontro no cruceiro da esplanada que dá accesso á fortaleza. No mes de abril, ademais de neses días, tamén se ofrecerá o domingo 20, coincidindo coa Semana Santa.

Para contactar con Turismo Monterrei pódese chamar ao 988 361 360 (tamén dispoñible en WhatsApp) ou nos seus enderezos electrónicos: turismomonterrei@gmail.com e turismo@monterrei.gal.