O Samaín de Albarellos, en Monterrei, volve cun túnel do terror "arrepiante"

ACTIVIDADES PARA TODOS

Albarellos converterase no epicentro do medo no concello de Monterrei coa celebración do Samaín este sábado, 1 de novembro

O túnel do terror de Albarellos promete emocións fortes. | Cedida

Baixo o lema “En Albarellos, ninguén pode oír os teus berros!”, a velada anima de novo a toda a veciñanza de Monterrei e arredores a lucir as súas galas máis terroríficas e a compartir xuntos esta data.

Pola mañá, a cativada desfrutará ás 11,00 horas dun obradoiro gratuíto na Casa das Mulleres, para o que se prega que leven unha cabaza que posteriormente se encargarán de decorar.

Música e actividades

Xa á noite, dende as 21,00 abrirá o agardado Túnel do Terror na praza Ángel Medeiros, ao que se poderá acceder a cambio dunha entrada simbólica de 2 euros que estará dispoñible á venda dende media hora antes.

Nese mesmo espazo haberá habilitada unha zona de bar, churrería, colchonetas para os máis pequenos, así como amenización musical da man de DJ Moncho.