Iria Sobrado impactou coa súa obra “Corazón”

A actriz Iria Sobrado, coñecida pola súa participación en series como Rapa, A lei de Santos ou Viradeira, veu a Carballiño a representar a súa obra “Corazón”.

O lugar escollido para a súa performance foi a Praza de Abastos, e realizouse o venres ao mediodía, en plena efervescencia das compras que se levan a cabo nese mercado. “O lugar escolleuno Iria, pero a nós pareceunos unha idea fantástica porque foi unha forma de dinamizar un espazo tan especial como é a Praza de Abastos”, dixo Silvia Baranda, Concelleira de Igualdade.

Para Iria Sobrado, “a elección dese lugar ten que ver coa miña obsesión por sacar o teatro dos espazos convencionais, para achegalo a ese público que non é espectador habitual. E no caso particular desta obra, porque ó traballar cun corazón real, nada mellor que facelo nunca carnicería para darlle maior realismo e xerar o impacto que se pretende”.

A obra fala do corazón da muller e o sufrimento que supón a violencia de xénero. A súa autora representa as diferentes agresións que sofren as mulleres en cada etapa da súa vida, a golpe de macheta.