Touriñán visita O Carballiño co novo monólogo “Aquí Tou!”

O Auditorio do Carballiño acollerá o 23 de maio, ás 21,00 horas, o monólogo “Aquí Tou!”, protagonizado polo humorista Xosé Antón Touriñán, no que fai un percorrido da súa vida plagado de anécdotas.

O concelleiro de Cultura, Diego Fernández, e o productor de Moita Merda Produccións, Indalecio Caballero, presentaron o espectáculo lembrando que a última vez que Touriñán visitou a vila “tivo que ofrecer tres pases para que puidera acudir todo o público, e agardamos que esta vez tamén haxa unha boa resposta”.

As entradas para a función do Carballiño están xa á venda en “aquitou.gal” ao prezo de 16 euros, e xa hai 200 vendidas para un aforo de algo mais de 400, polo que Caballero animou ao público a facerse con elas canto antes, ainda que apuntou que no caso de que haxa moita demanda, podería realizarse unha segunda función.