Festa da Vendimia en Leiro: Carrozas para exaltar a uva

A XXXII Festa de exaltación da vendima da comarca que se celebrará no concello de Leiro, chegou onte coa xornada previa e o hoxe coa Festa da Vendimia.

Os asistentes poderán gozar cos actos programados; un mercado artesanal, actuacións musicais, unha mostra de coches clásicos, unha comida popular...

Ademáis, na xornada previa ao evento, tamén houbo actos lúdicos.

Historia da Festa da Vendimia

Naceu no ano 1963 pero non foi ata o ano 2.000 cando se comezou a celebrar o último domingo de agosto.

A festa está dedicada ao mundo do viño e ao seu cultural, fortemente arraigada nesta zona da provincia de Ourense.

O principal acto da festa é o Desfile de Carrozas, pero tamén destaca a comida popular, onde centos de persoas reúnense para degustar viño acompañado doutros deliciosos manxares, o Mercado Artesanal e a Mostra dos Viños de Leiro.

Primeiro día

Na xornada previa á XXXII Festa da Vendima tivo lugar ás 17,00 horas a actividade da ludoteca infantil e a festa de apertura. Ás 21,00 horas levouse a cabo a apertura da IV Mostra de Viños de Leiro.

Domingo 27

Comeza a XXXII Festa da Vendima ás 10,00 horas coa recepción de Acios a concurso seguido da propia exposición. Ás 11,30 horas daráselle a benvida ás autoridades. A lectura do pregón farase as 12,00 horas na praza do Cruceiro e este ano estará a cargo do conselleiro de medio rural, Don José González Vázquez. Ás 12,15 horas terá lugar o Desfile de Carrozas e charangas desde a rúa Gabino Bugallal ata o Campo da Feira e comezará a V Concentración de Coches Clásicos. Ás 13,30 horas terá lugar o concerto da Banda de Gaitas da Deputacion de Ourense e ás 14,30 horas dará inicio a visita ao XVIII Mercado Artesanal, actividade instalada no Salgueiral, seguido da comida popular.

Pola tarde, ás 16,30 horas, procederase á entrega de premios dos Concursos de Acios e de Carrozas, e a continuación darán inicio as actividades infantís e a festa no Salgueiral. Ás 17,45 horas disputarase o partido de fútbol de veteranos e ás 20,00 horas celebrarase o concerto Corais da Vendima. Ás 22,00 horas haberá actuacións musicais no Salgueiral para pechar a XXXII Festa da Vendimia en Leiro.