O mundo da cultura recoñece o papel de Abrente no teatro

Durante este acto destacouse o papel decisivo que a Asociación Abrente tivo para a cultura galega, para o teatro, e porque fixo posible que Ribadavia sexa hoxe coa MIT a capital das artes escénicas de Galicia, o mesmo tempo que houbo un sentido recordo para Rubén García, que collera o testigo da entidade cultural para seguir adiante co teatro, pero xa cun novo enforque internacional que é o que perdura na actualidade. Seguidamente tiña lugar una mesa redonda moderada por Dolores Vilavedra e na que cada ponente rememorou os seus sentimentos e vivenzas dos primeiros anos da Mostra de Teatro. Manuel Guede aseguraba que 'Ribadavia fíxome un home de teatro' e referíase a importancia dos coloquios que se producían tras as representacións e que eran auténticas loitas pola hexemonía cultural entre o PC e a UPG.

A periodista Maribel Outeiriño recordaba a mostra como un acontecemento interesante que enseguida chamou a súa atención naqueles primeiros anos de profesión. Tamén se refería á presión que máis adiante exerceron algúns grupos de esquerdas provocando incluso a autocensura 'que sufrimos muchísimo', sinalaba.

Luis Álvarez Pousa apuntaba que Ribadavia e Abrente 'alentaron outra maneira máis creativa de resistir a clandestinidade'.

O último ponente da mesa redonda foi José Luis Chao, rememorando os inicios nunha sociedade cerrada e dominada polo franquismo.