O Ribeiro dixitaliza o rexistro vitivinícola de 7.000 parcelas

O presidente da Deputación, Luis Menor, puxo en valor o proxecto de dixitalización do rexistro vitivinícola na Denominación de Orixe Ribeiro, unha iniciativa que recibiu a axuda da Deputación e que resulta “estratéxica para o desenvolvemento da actividade nesta histórica zona”, dixo o presidente. Gracias a esta colaboración, o Consello Regulador pode obter información actualizada das máis de 7.000 parcelas que conforman a denominación.

O presidente recibiu á presidenta do Consello Regulador da Denominación de Orixe Ribeiro, Concepción Iglesias Pousa, acompañada polo vicepresidente e secretario do organismo, Carlos Basalo e Luis Manuel Vázquez, respectivamente.

Por outra banda, tratáronse accións de promoción realizadas ata agora en cooperación coa Deputación e que obtiveron, en palabras de Menor, “extraordinario éxito”.

A Deputación non só aposta por esta denominación , senón polo resto das existentes na provincia, tendo en conta que o sector do viño é “un área estratéxica” para este territorio.

O presidente provincial ratificou así o compromiso de cooperación ininterrompida coas denominacións de orixe vinícolas da provincia de Ourense. A institución colabora con asiduidade en axudas para a promoción dos viños, especialmente en mercados internacionais, e noutras actividades de difusión e de organización dos viños.

No actual mandato, a Deputación colaborou con axudas por valor de máis de 200.000 euros na promoción do sector do viño.n