José Manuel Castro foi elexido novo líder do PP nos Blancos

A agrupación local do Partido Popular dos Blancos elixiu onte o seu novo presidente, José Manuel Castro Blanco, durante o congreso celebrado na Casa da Cultura do Concello. O presidente provincial, Luis Menor, recoñeceu o traballo realizado polo tamén alcalde popular “para manter a fortaleza e unidade do PP no concello e o apoio de militantes e simpatizantes”. Unha vez nomeado presidente, José Manuel Castro destacou a importancia do paso que se deu con este congreso para “normalizar e organizar o partido”. Castro Blanco asegurou que o PP dos Blancos é un partido “forte e moi unido”, e afirma que servirá de base para manter a maioría absoluta.