Cartel e artistas do programa do Our Fest 2025

Unha xa consolidada cita musical chega a Ourense no mes de setembro da man do Our Fest. A cuarta edición do festival regresa a Expourense o 27 de setembro, cun cartel con artistas destacados que convirte a cidade das Burgas nun destino musical imprescindible da música independente alternativa. Artistas de contrastada experiencia reunirán na cidade aos amantes da música de toda Galicia, distintas zonas da península e o norte de Portugal, co obxectivo de xerar impacto social e achegarse a un amplo público.

Kruder & Dorfmeister, o dúo vienés que supuxo unha revolución no panorama da música electrónica dos anos noventa; Mercury Rev, que desde Estados Unidos expande os límites do rock e a psicodelia a novos territorios; ou León Benavente, que chegará a Ourense co seu traballo publicado no 2024, no que condensa a súa enerxía a través de temas poderosos, son algúns dos grandes nomes desta cita. Tamén se inclúe no cartel a Viva Belgrado, que terá en Expourense o primeiro escenario da súa xira. Mentres, Dream Nails combinará furia e empatía nun discurso combativo e festivo. As entradas continúan dispoñibles na súa web oficial e no portal Ataquilla a partir de 40 euros.

O evento, da man de Concertos do Xacobeo da Xunta, cumpre a súa cuarta edición, o que confirma á cidade das Burgas como un punto de encontro imprescindible para a música independente alternativa.

En apenas tres edicións, o Our Fest conseguiu atraer públicos de toda Galicia, distintas zonas da Península e o norte de Portugal, xerando impacto cultural e social e ofrecendo experiencias irrepetibles ao achegar artistas de culto que, en moitos casos, visitaban a nosa comunidade por primeira vez

O festival foi presentado onte polo director da Axencia de Turismo de Galicia, Xosé Merelles, quen subliñou que “en apenas tres edicións, o Our Fest conseguiu atraer públicos de toda Galicia, distintas zonas da Península e o norte de Portugal, xerando impacto cultural e social e ofrecendo experiencias irrepetibles ao achegar artistas de culto que, en moitos casos, visitaban a nosa comunidade por primeira vez”.