Galiciencia reta ós alumnos a deseñar a camiseta da feira

Galiciencia, a maior feira científica da nosa comunidade, celebra este ano o seu 20 aniversario. Promovida polo Parque Tecnolóxico de Galicia -Tecnópole- desde o 2006, busca achegar a ciencia á sociedade, en particular ao estudantado de Primaria, Educación Especial, Secundaria, FP e Bacharelato. O encontro desenvólvese en colaboración coa Consellería de Economía e Industria e a Fundación Española para la Ciencia y la Tecnología dependiente do Ministerio de Ciencia, Innovación y Universidades.

Ademais do concurso de proxectos, convócase para este ano o concurso de deseño da camiseta oficial de Galiciencia 2025, que terá lugar en maio. Este certame diríxese a todo o alumnado de Primaria dos centros educativos de Galicia. As propostas deben ter como punto de referencia calquera obxecto ou contorna relacionada coa temática desta edición da feira, “Neurociencia e saúde mental”. O prazo para presentalas xa está aberto e remata o vindeiro 17 de marzo. Os alumnos e alumnas que desexen participar deberán enviar un correo electrónico cos seus deseños escaneados a galiciencia@tecnopole.gal. Tamén se poden presentar os orixinais na recepción de Tecnópole.

Un xurado de expertos decidirá a proposta gañadora, que se fará pública a través da páxina web e das redes sociais de Galiciencia. O premiado recibirá camisetas para toda a súa clase de Primaria, con exemplares tamén para os seus docentes e familiares. Así mesmo, distribuiranse camisetas entre o persoal da organización e entre o alumnado que expoña os seus proxectos na feira

Neurociencia e saúde mental

O certame propón aos estudantes explorar o funcionamento do cerebro humano e comprender fenómenos como a reacción do corpo ante a calor e o benestar xerado pola actividade física. Desta forma, o feira científica quere destacar a importancia da neurociencia para mellorar a saúde mental

Ademais do concurso de proxectos, convócase o desafío científico “Atrévete coa mente!”, dirixido a estudantes de 4º de Primaria a Bacharelato de toda Galicia. Poderán participar pequenos grupos de dous ou tres integrantes, a ser posible mixtos, de entre 10 e 18 anos.