A sección Panorama Galicia do OUFF segue a nutrirse

No marco da Sección Oficial Panorama Galicia do OUFF, tres cineastas galegos presentaron as súas obras en competición, ofrecendo tres perspectivas diferentes pero unidas pola forza da memoria e da loita persoal.

O primeiro en intervir foi Olmo Couto, que estrea internacionalmente “Serê Kaniyê”, un documental rodado no norte de Siria. O filme céntrase na vida cotiá de tres mulleres kurdas en plena guerra, explorando a súa resistencia e o papel clave no movemento revolucionario feminino. “Quixen amosar a intimidade do conflito, o que hai detrás dos titulares”, explicou o director.

Pola súa parte, Paula Veleiro presente “Te separas mucho”, xa recoñecida en festivais como o de Xixón, onde acadou o premio á mellor montaxe. A cineasta reconstrúe a memoria familiar a través das gravacións VHS do divorcio dos seus pais, que contrapón coa súa propia ruptura sentimental trinta anos despois.

O terceiro protagonista da xornada foi Antón Caeiro, que chega ao OUFF con “LOLA”. O filme retrata a historia dunha muller de Cangas do Morrazo (Pontevedra) que viviu de primeira man as feridas abertas pola Guerra Civil. “É unha homenaxe á súa memoria e á da súa familia”, sinalou Caeiro, que agradeceu poder estrear mundialmente en Ourense unha obra tan persoal.

Deste xeito, os filmes galegos seguen a nutrir a nutrir a sección oficial do OUFF, que están a ser todo un éxito de nas proxeccións programadas polo festival ao longo da semana.