A Valenzá organiza un novo Paseo da Saúde

Ourense/ O próximo venres 19 de setembro, o Concello de Barbadás levará a cabo o V Paseo da Saúde, unha cita que reúne asociacións de pacientes, agrupacións e entidades sociais que dan conta do seu traballo diario na provincia. Ademais, nesta edición súmanse Cruz Vermella, Alcohólicos Anónimos e Solidaridad Intergeneracional, o que eleva a máis dunha vintena o número de entidades participantes.

A avenida de Celanova acollerá, no entorno da rotonda da Familia, os distintos postos informativos das agrupacións, que explicarán os seus traballos e os seus programas de atención. O V Paseo da Saúde terá horario de mañá e de tarde. Na presentación participaron o alcalde de Barbadás, Xosé Carlos Valcárcel, a concelleira de Servizos Sociais, Saúde e Igualdade, Elisabet González, o xefe de Tráfico da Comandancia da Garda Civil, Javier Barja, o concelleiro de Emerxencias, Daniel Rey e Jesús Carballo, membro de Cruz Vermella. Ademais, asistiron membros de asociacións como Eva Penín, integrante da Asociación Galega de Covid Persistente.