Dobre cita coa Fundación Vicente Risco esta semana

A Fundación Vicente Risco prepárase para unha fin de semana cargada de propostas culturais. O venres 23 de maio, ás 20,30 horas, inaugúrase a exposición “Virxilio, a arte da vida”, con obras do propio fondo da fundación para celebrar o centenario do nacemento de Virxilio, un dos padroeiros fundadores da entidade.

Este integrante do grupo dos “sete artistiñas” será homenaxeado cunha mostra que recolle parte da súa creación plástica, con pequenos debuxos e caricaturas de Vicente Risco e dos seus fillos.

O sábado 24 de maio, a fundación celebrará un concerto na torre Lombarda de Allariz cos alumnos do Seminario Permanente Officina Utricularii. A actuación comezará ás 20,00 horas e terá entrada libre, cun programa centrado na gaita como protagonista musical.