"Asfixia" recibe o Abrente

O Premio Abrente de textos teatrais foi na súa 14ª edición para José Luis Baños de Cos pola súa obra "Asfixia", según a decisión unánime tomada polo xurado do certame, presidido polo director da Mostra, Roberto Pascual e composto por Avelina Pérez, Roberto Leal e Álex Sampayo. Éstes destacan que o texto galardonado "propón un interesante xogo teatral onde o aparentemente trivial e absurdo se vai transformando", á vez que atopan "unha gama rica de posibilidades de posta en escena aberta". Na gala celebrada onte pola noite no Castelo, a organización entregou o galardón a Baños de Cos, e á compañía Pistacatro o Premio de Honra da MIT.