❌✅ Enquisa | Cal consideras que debe ser a Palabra do Ano 2024?

A Real Academia Galega abriu hoxe a votación popular para elixir a Palabra do Ano 2024. As finalistas son aparvar(se), cantareira, dina, emerxencia climática, fala e meu. Estas palabras reflicten temas de actualidade como o impacto das redes sociais, a crise climática ou a revitalización do galego.

En 2023 a Palabra do Ano foi "cibercarracho" que vén sendo outra maneira de lle chamar ao ciberdelincuente. Dende a RAG explican que este neoloxismo naceu para sensibilizar sobre os delitos informáticos e buscando similitudes entre quen os comete e un bicho "que non goza de moi boa sona".

Das palabras finalistas este ano, cal consideras que debe ser a Palabra do Ano 2024?

Recorda que a votación oficial está aberta en portaldaspalabras.gal