"PECADOS CAPITAIS"
Un teatro local cheo de talento fixo vibrar Trives
Galería | Alumnos de Ourense e Lugo participan no VII Congreso da Montaña
TRIVES
Durante os días 8 e 9 de maio, Trives converteuse no epicentro do coñecemento coa celebración do VII Congreso Científico da Montaña. Un total de once centros educativos das provincias de Lugo e Ourense reuniron a uns 250 alumnos e alumnas que compartiron os seus proxectos, experiencias e inquedanzas nun encontro que mesturou ciencia, convivencia e ilusión.
A cita, adiada por mor dun apagón a finais de abril, desenvolveuse no CEIP Manuel Bermúdez Couso e no IES Xermán Ancochea Quevedo. Os estudantes de primaria presentaron os seus traballos nun formato de feira da ciencia, mentres que os de secundaria fixeron exposicións breves no instituto. Ademais, o programa incluíu obradoiros do CSIC, espectáculos científicos, xogos, ceas conxuntas e unha xornada final na Estación de Montaña de Manzaneda.
O congreso, que cumpre sete edicións, é unha iniciativa conxunta dos centros participantes, que cada ano escollen sede e reparten as tarefas organizativas. Este ano, Trives asumiu o reto con éxito, consolidando un espazo de aprendizaxe colectiva e aposta polo futuro do rural.
Contenido patrocinado
