Montederramo vai adicar obras ó agro, paisaxe e rede viaria

O Concello de Montederramo acaba de poñer en marcha tres proxectos de mellora dentro do seu municipio, centrados na recuperación do patrimonio e na mellora da infraestrutura viaria e agraria. Estas iniciativas buscan mellorar a calidade de vida dos veciños e preservar a riqueza cultural e natural da zona.

Unha das accións destacadas é o asfaltado de estradas en tres pobos: Lamelas, Abeledos e Xestosa, dentro do programa CooperOU, financiados cun orzamento de 47.300 euros. Estas obras terán unha duración aproximada de dúas semanas e mellorarán o acceso e a seguridade viaria nestas áreas.

Ademais, o Concello iniciou a creación de dúas novas pistas como parte do plan de mellora de camiños agrarios e no marco do programa de rehabilitación da Rede Natura, realiza a rehabilitación dun antigo lavadoiro e dunha fonte no núcleo de A Mogaínza, así como a recuperación dun antigo camiño que comunicaba A Mogaínza con Gabín. Cun valor total de 20.000 euros, ten como obxectivo preservación e mantemento do patrimonio rural.